Ekibastuz stýdentteri polıtsııa týraly vıdeorolıkter túsirdi
«Polıtsııa qyzmetine arnalǵan jumystarmen qatar profılaktıkalyq rolıkter de, jastardyń ózekti máselelerine nazar aýdartatyn áleýmettik vıdeorolıkter de boldy», - deıdi Pavlodar oblystyń ishki ister departamentindegiler.
Ózgeshe rolıkter Ekibastuz ІІB-nyń májilister zalynda qoıyldy. Baıqaýǵa qala kolledjderiniń stýdentteri qatysty. Rolıkterdi iriktegen qazylar alqasynyń quramynda Ekibastuz qalasy televıdenıesiniń redaktory Aman Jumaǵulov, «Semerka» gazetiniń redaktory Natalıa Bektemirova jáne Ekibastuz ІІB bastyǵy Abaı Júsipovter boldy.
«Rolıkterdiń janryna shekteý qoıylǵan joq - bastysy - taqyryptan aýytqymaý. Olardyń uzaqtyǵy bir mınýttyń tóńireginde boldy», - deıdi polıtsııa qyzmetkerleri.
Birinshi oryndy Ekibastuz polıtehnıka kolledji jeńip aldy. Ekinshi oryndy Ekibastuz gýmanıtarlyq-tehnıkalyq kolledji ıelense, úshinshi oryn K. Pishembaev atyndaǵy Ekibastuz taý-ken tehnıkalyq kolledjine buıyrdy.