Ekibastuz polıtsııa qyzmetkerleri baltamen óltirgen qylmysty izin sýytpaı ashty
PAVLODAR OBLYSY. 7 qyrkúıek. QazAqparat - Ekibastuzda polıtsııa qyzmetkerleri qala turǵynynyń ólimine qatysty kúdiktini izin sýytpaı qolǵa túsirdi, dep habarlaıdy Pavlodar oblysy ІІD baspasóz qyzmetinen.
Zorlyqpen óltirilgen 52 jastaǵy er adamnyń denesi «Gornıak» saıajaı úıinde tabyldy.
Tergeý barysynda kúdikti buryn QR QK 178-baby, 2-bólimi boıynsha isti bolǵan 28 jastaǵy turaqty mekenjaıy joq adam ekeni anyqtaldy. Olar saıajaıda birge spırtti ishimdik ishken, keıin janjal shyǵyp jigit bótelkelesin baltamen urǵan.
«Kisi óltirý» baby boıynsha qylmystyq is qozǵaldy.
