Ekibastuz polıtseıleri turǵyndardy bes qabatty úıden shyqqan órtten qutqardy
ASTANA. QazAqparat - Ekibastuz qalasyndaǵy kóp qabatty úılerdiń birinde órt oryn alyp, polıtsııa qyzmetkerleri turǵyndardy tilsiz jaýdan aman-esen qutqaryp qaldy, dep habarlaıdy pavlodarnews.kz .
№920 JP quramyndaǵy kishi serjant D. Momenjanov pen qatardaǵy polıtseı A. Jumageldınov kezekti patrýl barysynda M. Áýezov kóshesi №36 úıde órt shyqqanyn baıqaǵan. Olar birden bul jaǵdaı týraly Ekibastuz qalasynyń ІІB-niń kezekshi bólimine radıostantsııa arqyly habarlady. Kóp uzamaı oqıǵa ornyna JPPR komandıri orynbasarynyń m.a., polıtsııa kapıtany R. Orazhanov pen avtopatrýl jetti. - Qyzyl jalyn tórtinshi, besinshi kireberisterge deıin aýmaqty sharpyǵan. Turǵyndar balkondardan jáne esik aldynda kómek surap turdy. Óz kezeginde aǵa serjant S. Bektirbaev pen A. Jumageldınov balkon arqyly tórtinshi qabattaǵy úıdiń terezesin buzyp kirip, tórt adamdy aman alyp shyqty, onyń ekeýi - bala. Dál osy kezde R. Orazhanov, D. Momenjanov, D. Korneev pen A. Tileýovter besinshi qabattan úsh turǵyndy qutqardy, onyń ekeýi - bala. Nátıjesinde turǵyndar aman qalyp, aǵa serjant S. Bektirbaev azdaǵan dene jaraqattaryn alyp, gazben ýlandy. Ekibastuz qalasy ІІB JPQ JPPR qyzmetkerleriniń dereý áreket etýiniń arqasynda barlyǵy oıdaǵydaı aıaqtaldy, - deıdi ІІB JPQ bastyǵy, polıtsııa polkovnıgi ıÝrıı Kolesnıkov.
