Ekibastuz mańynda jol apatynan úsh adam qaza tapty

EKІBASTUZ. QazAqparat - Taǵy eki adam túrli dene jaraqatymen aýrýhananyń jansaqtaý bólimine jetkizildi, dep habarlaıdy QazAqparat Pavlodarnews.kz resýrsyna silteme jasap.

Pavlodar oblysy densaýlyq saqtaý basqarmasynyń baspasóz qyzmetiniń málimdeýinshe, jol kólik oqıǵasy Ekibastuz qalasynan 30 shaqyrym jerde Qalqaman kentiniń mańynda bolǵan.

- 103 jelisine búgin saǵat 16:15-te shaqyrtý kelip tústi. Birden Qalqamandaǵy jedel járdem men apattar medıtsınasy ortalyǵynan eki brıgada kómekke shyqty. Brıgada jedeldiktiń 1 sanaty boıynsha oqıǵa ornyna 19 mınýtta jetti. Zardap shekken 5 adam, - delingen habarlamada.

1989 jyly týǵan almatylyq azamat JBMT, keýde qýysynyń kógerýi men sol jaq qulaqtyń jyrtylýy dıagonozymen jáne 1978 jyly týǵan er adam oń jaq úshinshi qabyrǵasynyń jabyq synýy dıagnozymen Ekibastuz qalalyq aýrýhanasyna jetkizildi.

Al 12 jasar bala men 1976 jylǵy er adam oqıǵa ornynda qaza tapty.

Jol apatynan opat bolǵan taǵy bir adamnyń jeke basy anyqtalyp jatyr.

Ol - 50-55 jas shamasyndaǵy azıat áıel adam.