Ekibastuz MAES-2 Qazaqstannyń baqylaýyna ótti
EKІBASTUZ. QazAqparat - Ekibastuz MAES-2 Qazaqstan Respýblıkasynyń baqylaýyna tolyǵymen ótti, dep habarlaıdy QazAqparat pavlodarnews.kz silteme jasap.
«Samuryq-Qazyna» reseılik «Inter RAO» energetıkalyq kompanııasynan «Ekibastuz MAES-2» AQ-nyń 50% aktsııasyn satyp alý jónindegi mámileni aıaqtady. Osylaısha, mańyzdy elektrenergııa aktıvi Qazaqstan Respýblıkasynyń baqylaýyna tolyǵymen ótti.
«Samuryq-Energo» AQ men «Inter RAO» JAQ aktsııalary teń negizinde ıelik etken Qazaqstan-Reseı birlesken kásiporny 2005 jyly quryldy, Qazaqstan tarapy úshin qoǵam qyzmetiniń basym baǵyty stantsııany keńeıtý jáne qaıta qurý sheńberinde 636 MVt bolatyn úshinshi energoblokty ornatý bolyp tabylady. Bul jobany iske asyrý Qazaqstannyń elektr energııasy men elektr qýatyna ósip kele jatqan qajettilikterin qamtamasyz etýge, onyń eksporttyq áleýetin arttyrýǵa yqpal etedi», - delingen baspasóz habarlamasynda.
2009 jyly Qazaqstan Respýblıkasy men Reseı Federatsııasynyń Úkimetteri arasyndaǵy kelisim boıynsha «Ekibastuz MAES-2» AQ «Ekibastuz MASES-2 №3 energoblogynyń qurylysy» jobasyn iske asyrýǵa kiristi. 2010 jyly tıisti jobalaý-smetalyq qujattama ázirlenip, memlekettik saraptamadan ótti. Osynyń negizinde «Ekibastuz MAES-2» AQ-nyń 50 paıyz úlesin satyp alý týraly sheshim qabyldandy.
«Samuryq-Qazyna» UÁQ» AQ qoǵammen baılanys jáne marketıngtik kommýnıkatsııalar jónindegi departamentiniń habarlaýynsha, stansany tolyq baqylaý ján 3-shi energoblokty satý jónindegi jobany iske asyrý elimizdiń energetıkalyq táýelsizdigin arttyrýǵa yqpal etetin bolady.
