Ekibastuz qutqarýshylary sýıtsıdtiń aldyn aldy
EKІBASTUZ. QazAqparat –Ekibastuz qalasynda er adam óz-ózine qol jumsamaq boldy. Ol turǵyn úıdiń tórtinshi qabatynda qabyrǵa shetinde turǵan, dep habarlaıdy QazAqparat Pavlodarnews.kz-ke silteme jasap.
Bul týraly oblystyq tótenshe jaǵdaılar departamenti málimetinshe, tótenshe jaǵdaı 14 tamyz kúni keshki saǵat 18:00 shamasynda Ekibastuz qalasy, Baýyrjan Momyshuly kóshesi, 35 mekenjaıynda oryn aldy. Er adam balkonnyń syrtyna shyǵyp, salbyrap turǵany týraly habar kelip túsken.
«Qutqarýshylar órmeleý quraldarynyń kómegimen besinshi qabattyń balkonynan túsip, er adamnyń óz balkonyna kirýge kómektesti», - dedi departamentte.
Ol polıtsııaǵa tapsyryldy.