Ekibastuz kenshileri kásibı merekelerine daıyndyq ústinde
ASTANA. QazAqparat - Ekibastuz kenshileri kásibı merekelerine daıyndyq ústinde, dep habarlaıdy QazAqparat.
Eýrazııalyq Top (ERG) quramyndaǵy «EEK»AQ «Vostochnyı» kenishiniń 150 astam kenshisin kásibı mereke - Kenshiler kúniniń 70- jyldyǵy qarsańynda marapattaldy. 
Saltanatty shara kómir óndirýshi kásiporyn aýmaǵynda ornalasqan Qurmet taqtasynyń ashylýynan bastaldy. Ony eńbegimen er atanǵan 20 jumyskerdiń portretteri kórkemdedi. Keıinirek kenshiler úshin kómir óndirýshi kásiporyn kórkem ónerpazdarynyń kontserttik baǵdarlamasymen saltanatty jıyn ótkizildi. Odan soń kásiporynda bıyl eńbegimen erekshelengen kenish qyzmetkerlerine tósbelgi, qurmet gramotalary, alǵys hattary tapsyryldy.
Saladaǵy bas marapat - «Kenshi dańqy» qurmet belgisi 37 kenshige tapsyrylsa, «Eńbek dańqy» belgisimen 28 jumysker marapattaldy. «Kómir óndirýshi kásiporynnyń qurmetti jumyskeri» ataǵy 10 kenshige berildi. «Eńbek ardageri» medali saltanatty túrde 4 kenshige tapsyryldy.
Sonymen qatar kenshiler Eýrazııalyq Toptyń (ERG) arnaıy marapattary, olardyń ishinde alǵys hattar men «Eńbek aıbyny úshin» qurmet belgisin aldy. Jáne de kenshilerge Pavlodar oblysy men Ekibastuz qalasynyń ákimderi atynan gramota men alǵys hattar, jáne «EEK» AQ eńbek ardageri» medaldary tapsyryldy. 
«Bıylǵy jyl kenshiler meıramy úshin mereıtoıly boldy. Mine, kómir óndirý ónerkásibimen baılanysty adamdardyń barlyǵyn jazdyń sońǵy aıynda kuttyqtap jatqanymyzǵa 70 jyl bolyp qaldy. Ekibastuz turǵyndary úshin Kenshi kúni burynnan, otbasylary kómir óndirý salasymen baılanysty barlyq qala turǵyndary bas qosatyn, basty meıramdardyń birine aınaldy», - dedi «EEK» AQ «Vostochnyı» kenishiniń dırektory Nıkolaı Goncharov.
Dástúr boıynsha atqarylǵan jumys qorytyndylanyp, «Mamandyǵy boıynsha úzdik» saıysynyń jeńimpazdary marapattaldy. Osy jyly kópirli kran mashınısteri men aýyrjúktasyǵysh avtokólik júrgizýshileri arasynda saıys ótkizildi.
«Vostochnyı» zeınetkerleri de nazardan tys qalǵan joq. Olar úshin Kenshi kúni qarsańynda merekelik dastarhan jaıyldy.
Mereke qarsańynda qala turǵyndary úshin «Óner» qalalyq óner ortalyǵynda Qazaqstannyń halyq ártisi Roza Rymbaeva án shyrqaıdy, al keshke merekelik otshashý ótkiziledi.
