Ekibastuz qalasynda jańa drama teatry ashylady
ASTANA. QazAqparat - Ekibastuz qalasynda qurylyp jatqan «Alaý» drama tearynyń alǵashqy qoıylymy qazan aıynyń sońynda bolady, dep habarlaıdy pavlodarnews.kz atalmysh teatrdyń negizin qalaýshy jáne Ekibastuzdaǵy «Óner» mádenıet ortalyǵynyń rejısseri Qaırat Bolatulyna siltememen.
«Bizdiń qalada buǵan deıin mundaı halyqtyq baǵytta óner kórsetetin teatr bolǵan joq. Osy olqylyqtyń ornyn toltyrý úshin drama teatryn jańadan ashýdy qolǵa aldyq. Óner ujymynyń quramynda jeti ártis bar. Olardyń tórteýi er adam bolsa, úsheýi - áıel. Barlyǵy 30-dan asqan adamdar. Teatrǵa qabyldanatyn úmitkerlerdiń jas mólsherine shekteý qoıylmaǵan, - deıdi Qaırat Bolatuly.
Jańa teatrdyń taǵy bir ereksheligi, qabyldanyp jatqan ártisteriniń eshqaısysy buryn óner salasynda qyzmet etpegen. ıAǵnı, teatrdan, ónerden habary bar ártúrli mamandyq ıeleri. Qazan aıynyń sońynda bolatyn birinshi premeraǵa orys jazýshysy Aleksandr Vampılovtyń «Perishte men betpe-bet» spektakliniń qazaqshalanǵan nusqasy sahnalanady.
«Aldaǵy maqsatymyz - birinshi qoıylymdy oıdaǵydaı kórsetip, kórermenniń yqylasyn alý. Sodan keıin jergilikti bılikke teatrǵa jeke ǵımarat salý jáne arnaıy shtat ashý máselesin jetkizemiz», - deıdi rejısser.
