Ekibastuz qalasynda ınspektor áskerı bılet satpaq bolǵan

NUR-SULTAN. QazAqparat - Pavlodar oblysynyń Ekibastuz qalasynda Qorǵanys ister jónindegi biriktirilgen bólim ınspektory para aldy degen kúdik boıynsha ustaldy. Bul týraly QazAqparat Memlekettik qyzmet isteri jáne sybaılas jemqorlyqqa qarsy is-qımyl agenttigine silteme jasap habarlaıdy.

«1 naýryzdan beri Qazaqstan Qarýly kúshteriniń quramyna sarbaz qabyldaý bastalǵany belgili. Ásker qatarynda boryshyn óteýge nıettiler sany jyl saıyn artyp keledi. Deı turǵanmen, áskerı bıletti boryshyn ótemeı-aq, aqshaǵa satyp alǵysy keletinder de bar. Pavlodar oblysynyń Ekibastuz qalasynda Qorǵanys isteri jónindegi biriktirilgen bólim ınespektorynyń ústinen sotqa deıingi tergeý júrgizilip jatyr. Ol 800 myń teńge úshin boryshyn ótemegen adamǵa áskerı bılet alyp bermek bolǵan degen kúdikke ilindi. Kúdikti óz kinásin tolyq moıyndaǵany úshin ustaý sharalary júrgizilgen joq», - delingen resmı aqparatta.

Agenttiktiń habarlaýynsha, atalǵan is boıynsha tekserý jalǵasyp jatyr.