Ekibastuz qalasy Solnechnyı kentinde jańa mektep salynady
ASTANA. QazAqparat - Ekibastuz qalasy Solnechnyı kentinde oqýshy oryndarynyń tapshylyǵyn azaıtý maqsatynda 420 oryndyq mekteptiń qurylysyn júrgizý jobasy ázirlengen, dep habarlaıdy pavlodarnews.kz.
Bul týraly bilim berý basqarmasy basshynyń mindetin atqarýshy Jomart Qarambaev aıtty.
«Pavlodar qalasynda úsh mekteptiń qurylysyna jobalyq-smetalyq qujattama ázirleý júrgizilip jatyr, - deıdi Jomart Qarambaev. - Naqtyraq aıtsaq, Jetekshi aýylynda 100 oryndyq shaǵyn ortalyǵy bar 300 oryndyq mektep, «Zaton» shaǵyn aýdanynda 350 oryndyq,«Saryarqa» shaǵyn aýdanynda 650 oryndyq mektep boı kóteredi. Sońǵy tórt jyl ishinde oblysta salynǵan jeti mekteptiń beseýinde sabaqtar qazaq tilinde júrgiziledi».
Sonymen qatar, Ekibastuz qalasynda 2015 jyly oqytylýy qazaq tilindegi mamandyrylǵan kóp tildi lıtseı ashylǵany belgili. Vedomstvo basshysynyń mindetin atqarýshy Pavlodar qalasynda aralas mektepterdiń qazaq tilindegi oqytýǵa kezeńmen aýysýy iske asyrylyp jatqanyn atap ótti.
Máselen, № 1, № 7 mektepterde oqytylýy tek qazaq tilindegi synyptarǵa oqýshylardy jınaqtaý júrgiziledi.
Bilim berý basqarmasymen óńirdegi aralas bilim berý uıymdaryn 2017-2020 jyldarda kezeń-kezeńmen qazaq tilindegi bilim berý uıymdaryna aýystyrý jobasy ázirlengen.
Aǵymdaǵy jyly qazaq tilinde bilim alatyn ulty qazaq oqýshylardyń sany 74,3 %-ǵa artqan.
