Ekibastuz GRES-2-de birinshi energoblokty jóndelip bitti
ASTANA. QazAqparat - Ekibastuz GRES-2-de birinshi energoblokty kúrdeli jóndeýden ótkizý aıaqtaldy. 26 qyrkúıekte iske qosý operatsııalaryn sátti ótkizgennen keıin blok jelige qosyldy. Aldaǵy 48 saǵat energoblok baqylaýdaǵy paıdalaný rejiminde jumys isteıtin bolady.
«Samuryq-Energo» AQ-nyń baspasóz qyzmetiniń habarlaýynsha, kestemen belgilengen merzimderde (2016 jyldyń 5 shildesinen bastap 26 qyrkúıegi aralyǵynda) №1 energoblokta transformator, generator jáne elektrqozǵaltqyshtardy kúrdeli jóndeýden ótkizý boıynsha josparlanǵan jumys kólemi oryndaldy. Qazan agregatynyń joǵarǵy qyzdyrý betterin aýystyrý, qosymsha jabdyqtardy jóndeý sııaqty jumystar júrgizildi.
«5 shildeden bastap №1 energoblok uzaqtyǵy 84 táýlik kúrdeli jóndeýden ótýge tapsyryldy. Jóndeý baǵdarlamasy boıynsha esertýler joq, jumys kólemin jáne aıaqtaý merzimin oryndap shyqtyq», - dedi Ekibastuz GRES-2 jóndeý jónindegi bas ınjeneri Serikbaı Jalıev.
2016 jylǵy jóndeý kampanııasy barysynda belgilengen qýaty 500 mVt №2 energoblok aǵymdaǵy jóndeýge shyǵarylǵan bolatyn.
Jóndeý jumystarynyń júzege asyrylǵan kesheni energetıkalyq jabdyqtardyń paıdalaný merzimin uzartýǵa, energoblok jumysynyń senimdiligin jáne únemdiligin arttyrýǵa múmkindik beredi, sonyń ishinde kúzgi-qysqy kezeńde.
