Ekibastuz ben Aqsýda fermerlik bazar ashylady

PAVLODAR. QazAqparat – Pavlodar oblysynyń ákimi Asaıyn Baıhanov Ortalyq kommýnıkatsııalar qyzmetinde ótken brıfıngide óńirdegi azyq-túlikke jatatyn 11 taýardyń baǵasy respýblıkalyq kórsetkishten tómen degen derek keltirdi, dep habarlaıdy QazAqparat tilshisi.

«Agroónerkisip kesheniniń qarqyndy ósýi áleýmettik mańyzy bar azyq-túlik ónimderiniń baǵasyna oń áser etip jatyr. Azyq-túlikke jatatyn 11 túrli ónimniń (birinshi surypty un men sodan unnan pisirlgen nan, qaraqumyq, kúnbaǵys maıy, sıyr eti, maılylyǵy 2,5% bolatyn sút pen aıran, súzbe, kartop, sábiz) baǵasy eldegi ortasha baǵadan tómen», - dedi Asaıyn Baıhanov.

Aıtýynsha, bul iste óńirdiń turaqtandyrý qorynyń kómegi tıip otyr. Bul qor óńirdegi 273 seriktes dúken arqyly 14 myń tonna ónimdi arzandatylǵan baǵamen satyp otyr.

«Óńirde «Óristen sórege deıin» qaǵıdaty boıynsha azyq-túlik satatyn mamandandyrylǵan fermerlik bazar jumys istep tur. Endi osyndaı fermerlik bazarlardy Ekibastuz ben Aqsýda salý josparlanyp otyr», - dedi ákim.

Sondaı-aq, ol bir jyldyń ishinde óńirdegi jaıylym tapshylyǵy eki ese azaıǵanyn aıtty.