Ekibastuz avtobýstarynda jańa jyldan keıin jolaqy qymbattaýy múmkin
EKІBASTUZ. QazAqparat - 2019 jyldan bastap Ekibastuzda qoǵamdyq kólik aqysy qymbattaýy múmkin, dep habarlaıdy QazAqparat pavlodarnews.kz silteme jasap.
Qazir qala avtobýstaryndaǵy jolaqy - 65 teńge. Tarıf 2018 jyldyń qańtarynda bekitilgen bolatyn. Ekibastuz ákimi Nurjan Áshimbetovtiń aıtýynsha, bul aqylǵa qonymsyz baǵa.
«Jolaqynyń ortasha baǵasy - 80 teńge, ortasharespýblıkalyq - 90 teńge. Tasymaldaýshylar jumys isteýden bas tartýda. Paıdasy bolmaǵandyqtan, nomeri 10 jáne 1-inshi avtobýstar marshrýttarynan bas tartty. Olardy jabýǵa týra keldi. Biz barlyǵyn yqpaldastyqqa shaqyrǵan bolatynbyz. Jańa avtobýstarymen iri kompanııalar bar. Biraq olar bıletterdiń tómen baǵasyna baılanysty júrgisi kelmeıdi», - dedi ol.
Buǵan deıin kelisimshart jasasqan tórt tasymaldaýshydan búginde ekeýi ǵana qalǵan. «Tulpar-EK» JShS men «Jolaman-EK» JShS 44 avtobýspen turaqty 8 marshrýtta jumys isteıdi.
Qala ákiminiń atap ótýinshe, janar-jaǵarmaıǵa, qosalqy bólshekter men kommýnaldyq qyzmetterge baǵanyń qymbattaýyna baılanysty qoldanystaǵy 65 teńgelik tarıf tasymaldaýshylardyń barlyq shyǵyndaryn jappaıdy. Tıisinshe, qyzmet kórsetýdiń bul naryǵyna jańa kásiporyndar kelmeıdi.
«Baǵdarlardyń 50% qyzmet kórsetetin «Jolaman-EK» JShS jaǵdaıynyń qıyndyǵy týraly aıtyp, 5 baǵdardyń 3-eýine qyzmet kórsete almaıtyndyǵyn málim etti. Tarıfti kóterý týraly másele qalalyq máslıhattyń qaraýyna engiziledi», - dedi Nurjan Áshimbetov.
Aıta keteıik, 1 jeltoqsan - QR Tuńǵysh Prezıdenti kúni merekesinde Ekibastuzdyń barlyq turǵyndary úshin qoǵamdyq kólikpen júrý tegin bolady.
