Ekibastuz ákimdiginiń aldynda 41 jastaǵy áıeldi kólik qaǵyp ketti
PAVLODAR. QazAqparat - Ekibastuz qalalyq ákimdiginiń tap aldynda 41 jastaǵy áıeldi kólik qaǵyp ketti. Zardap shegýshi emhanaǵa jetkizildi, dep habarlaıdy pavlodarnews.kz.
Oblystyq polıtsııa departamenti baspasóz qyzmetiniń málimdeýinshe, keleńsiz jaǵdaı shahardaǵy Máshhúr Júsip kóshesiniń boıynda tańǵy saǵat 7:30-da oryn alǵan.
«Lada» jeńil kóliginń júrgizýshisi 41 jastaǵy áıel adamdy qaǵyp ketken. Saraptama taǵaıyndaldy. Tekserý júrgizilýde», - dedi departamentte. Sonymen qatar, oblystyq densaýlyq saqtaý basqarmasynyń baspasóz hatshysy Elmıra Temirǵalıevanyń aıtýynsha, zardap shegýshiniń jabyq bas súıek-mı zaqymy, jelke tusynyń qandy isigi anyqtalǵan. Ol Ekibastuz emhanasynyń travmatologııalyq bólimshesine jetkizilgen.
