Ekibastuz-Aǵadyr elektr jelisi qaıta iske qosyldy

EKІBASTUZ. QazAqparat – Qatty borannan kelgen aqaýdy jóndeý jumystary aıaqtalyp, Ekibastuz-Aǵadyr elektr jelisi qaıta iske qosyldy, dep habarlaıdy QazAqparat «KEGOC» AQ kommýnıkatsııalar qyzmetine silteme jasap.

«15 sáýirde saǵat 20:39-da avarııalyq-qalpyna keltirý jumystary aıaqtalyp, 500 kV L-5170 Ekibastuz-Aǵadyr elektr jelisi qaıta iske qosyldy. Qazaqstannyń 500 kV «Soltústik-Ońtústik» tranzıtiniń qalypty shemasy qalpyna keltirildi. Avarııalyq-qalpyna keltirý jumystary kezinde tutynýshylardy elektr qýatymen qamtý Qazaqstan men Ortalyq Azııa biriktirilgen energojúıesiniń rezervterin iske qosý arqyly tolyq kólemde atqaryldy», - delingen resmı habarlamada.

Eske salsaq, 14 sáýir kúni boranda elektr taratý júıelik jelisine zaqym kelip, úsh ýchaskede úzilý anyqtalǵan. Jóndeý jumystaryna «KEGOC» AQ Soltústik jáne Ortalyq fılıaldarynan quramynda 36 maman men 14 arnaıy tehnıkasy bar brıgadalar jumyldyryldy.