Eki jyldyń ishinde eksport kólemi 50%-ǵa deıin artty - A. Mamytbekov

ASTANA. QazAqparat - Sońǵy eki jyldyń ishinde eksport kólemi 50%-ǵa deıin artty. Bul týraly búgin OKQ brıfınginde QR Aýyl sharýashylyq mınıstri Asyljan Mamytbekov málim etti.

"Byltyrǵy jylǵy aýa raıynyń qolaısyzdyǵyna qaramastan aýyl sharýashylyndaǵy jalpy ónimniń ósýi baıqaldy. Aýyl sharýashylyǵyndaǵy ósim 1 % bolsa, mal sharýashylyǵyndaǵy ónimniń ósýi 4%-ǵa deıin jetti. Eksport kólemi artyp kele jatyr. Sońǵy eki jyldyń ishinde eksport kólemi 50%-ǵa deıin artty deýge bolady. Byltyrdan bastap mal sharýashylyǵy ónimderiniń eksportyn bastadyq. 12 myń tonnadaı mal sharýashylyǵy óniminiń eksporty júzege asty. Sonyń ishinde qyzyl et 7,5 myń tonna, al sıyr eti 6,3 myń tonnany qurady", - deıdi mınıstr.