Eki jyldan soń, elimizde tól ǵarysh apparattaryn qurastyrý-synaý kesheni paıda bolady - respýblıkalyq basylymdarǵa sholý

***
«Tól ǵarysh aımaqtaryn damytýǵa kirisken Reseı býynyp-túıinip, aqyryn-aqyryn «Baıqońyrdan» ketýge ázirlenip jatqanǵa uqsaıdy. Osyndaı málimetke qalaýlylar keshegi jalpy otyrystarynda «Qazǵarysh» basshylyǵynyń ókilinen qanyqty. Aıtpaqshy Parlament Májilisiniń keshegi jalpy otyrysynyń kún tártibinde ǵarysh taqyryby ústemdik etkenin atap ótken jón. Máselen keshegi elimizdiń «ǵaryshtyq megajobasynyń» iske asyrylatyn merzimi aıqyndaldy: Qazaq elinde endi eki jyldan soń, tól ǵarysh apparattaryn qurastyrý-synaý kesheni paıda bolady. Jáne Nursultan Nazarbaev pen Nıkolıa Sarkozıdiń dostyq qarym-qatynastarynyń arqasynda, bul iste qazaqtardyń

bas áriptesi frantsýzdar bolmaq», dep jazady «Aıqyn apta» «Baıqońyrǵa» kirýdiń jańa tártibi engiziledi» atty taqyryptaǵy maqalada.

Osy basylymǵa suhbat bergen Bilim jáne ǵylym mınıstrliginiń Bilim jáne ǵylym salasyndaǵy baqylaý komıtetiniń tóraǵasy Naıman Qalabaevtyń aıtýynsha, ulttyq biryńǵaı testke qazirshe balama joq. Atalmysh másele jóninde bilgińiz kelse, «Aıqyn aptanyń» osy sanyn oqyńyz.

Sondaı-aq basylym «Kásip túbi násip» atty maqala arqyly aqjoltaı jańalyqty jetkizipti. Maqala avtorynyń sózine qaraǵanda Qazaqstanda múgedekter arasyndaǵy kásipkerler qataryn kóbeıtetin tuńǵysh telejoba ashyldy. «Damý» kásipkerlikti damytý qorynyń Basqarma tóraǵasy Bolat Muqyshevtyń aıtýynsha, aldaǵy ýaqytta efırge shyǵatyn osyndaı baǵdarlamanyń kómegimen elimizdegi kóptegen múgedek jandar óz kásibin ashý múmkindigin alady.

***

«Alash aınasy» basylymy «Balqash tartylyp barady» dep dabyl qaǵýda. «Kıeli ólkeden kıe ketti» atty taqyryppen jarııalanǵan maqala avtory Balqash tipti ekinshi araldyń kebin kııýi múmkin dep qaýip etip otyr. Sondyqtan oǵan memleket tarapynan qoldaý qajet. Balqash máselesiniń kúnnen kúnge ýshyǵýyna túrli faktorlar áser etýde. Sonyń eń birinshisi ári óte qaýiptisi - Qytaıdan aǵyp Balqashqa quıatyn Іle ózenin kózi qysyńqy aǵaıyndardyń jibermeı otyrǵandyǵymen baılanysty bolyp otyr.

Sondaı-aq osy basylym bıylǵy astyqtyń boljamy jaýyn-shashynǵa táýeldi ekendigin jazady. «Elimizde kóktemgi egis jumystary aıaqtaldy. QR Aýyl sharýashylyǵy mınıstrliginiń málimetterine sáıkes, bıyl 16,4 mıllıon gektar alqapqa jazdyq dándi daqyldar egildi. ıAǵnı astyqty alqap byltyrǵy jylǵa qaraǵanda, 316 myń gektarǵa kemidi. Esesine eldiń ishki naryǵyndaǵy suranysty qamtamasyz etý úshin asa qajetti maıly daqyldar egistiginiń kólemi ulǵaıdy», dep jazady maqala avtory. Bul másele jónindegi málimetterden «Alash aınasy» basylymynyń búgingi sanynan kórýge bolady.

***

«Astanada úıli bolam degen úmitin arqalaǵan úleskerlerdi bylaı qoıyp, mansardty qurylysqa aqsha salǵan azamattardyń da máselesi sheshile bastady. Kúni keshe ǵana osyndaı 17 turǵyn «Favorıt»

turǵyn kesheninen páter kiltin aldy» dep jazady «Astana aqshamy» «Mansardshylar úıli boldy» atty maqalada.

***

«Nur Astana» basylymy búgingi sanynda birneshe qyzyqty suhbat jarııalaǵan. «Antarktıdadaǵy pıngvınderge ǵana kontsert bergen joqpyz» atty taqyryppen berilgen suhbatta áıgili «Ulytaý» tobynyń dombyrashysy Erjan Álimbetov óziniń shyǵarmashylyq jolyndaǵy eńbekteri men onyń qyr-syrymen jáne kúıshilik óner jóninde áńgimeleıdi. Al jaqynda ǵana ashylǵan qyz-kelinshekterge arnalǵan «Salnur» jýrnalynyń Bas redaktory Gúlnár Adamova bolsa, «Polıgamııalyq nekege qarsylyǵym joq», deıdi tap osyndaı taqyryppen brilgen suhbatta. Jýrnalıstpen bolǵan áńgime barysynda Bas redaktor genderlik saıasat, kóp áıel alý, musylman álemindegi erkek pen áıeldiń beınesi jáne olardyń qazirgi qoǵamdaǵy kórinisi sııaqty máseleler turǵysynda óziniń oı-pikirlerimen bólisedi.

***

«Kazahstanskaıa pravda» basylymy «El ekonomıkasyn damytý men onyń básekege qabilettiligin arttyrý ınfraqurylymdy damytýmen tikeleı baılanysty. Sondyqtan da Memleket basshysy óziniń bıylǵy Joldaýynda ekonomıkalyq damýǵa údemeli ındýstrııalyq damý arqyly qol jetkizýge bolatyndyǵyn atap kórsetti. Al temir jol kóligi júk jáne jolaýshylar aınalymynyń negizgi bóligin qamtıtyndyǵyn eskersek, Memleket basshysy aldyǵa qoıyp otyrǵan mindetti júzege asyrýda «Qazaqstan temir joly» kompanııasyna úlken jaýapkershilik artylǵaly otyr. Bul salany damytý sharalary Qazaqstan Respýblıkasynyń kólik ınfraqurylymyn damytýdyń salaaralyq baǵdarlamasynda jáne «Qazaqstan temir joly» ulttyq kompanııasy» aktsıonerlik qoǵamyn 2020 jylǵa deıin damytý strategııasynda kórsetilgen. Atalmysh qujattardyń negizgi ıdeologııasy temir jol kóligindegi qyzmetti nyǵaıtyp, osy salany negizgi baǵyttaryn jetildirýdi qamtıdy», dep jazady. Osyǵan qaraı basylym ulttyq kompanııany damytýdyń negizgi 7 baǵyty týraly baıandaıdy.

***

«Nedelıa lıter» basylymy búgin shyqqan aptalyǵynda Tabıǵı resýrstar men tabıǵatty paıdalanýdy retteý basqarmasy Almaty qalasyn jasyldandyrý jumystary boıynsha reıdter uıymdastyrǵandyǵyn jazady. Onyń nátıjeleri boıynsha qalada sońǵy ýaqytta tal-terekter otyrǵyzýmen qatar gúl otyrǵyzý jáne gúlzarlardy qalpyna keltirý jumystary boıynsha júıeli sharalar atqarylyp jatyr. Osyǵan qaraı búgin qala kósheleri túrli -tústi ásem gúldermen bezendirilgen. Qala basshylyǵy bul baǵyttaǵy jumystary áli de bolsa jetildire túsýdi jóni kórip otyr. «Bıyly jyly maýsymdyq gúl kóshetteri 103 sharshy metr aımaqqa otyrǵyzyldy. Kóktemde 10 myń kóshet otyrǵyzylsa, kúzge taman taǵy 15 myń túrli aǵashtar egiledi» dep jazady basylym «Tsvetem ı pahnem» atty maqalada.