Eki jylda júzden astam qazaqstandyq ǵalymdar PhD fılosofııa doktory dárejesin aldy

Memleket joǵary jáne joǵary oqý ornynan keıingi bilim berý júıesin halyqaralyq standarttarǵa kóshirýge barlyq jaǵdaı jasady.

2011 jyldan bastap «PhD - fılosofııa doktory» akademııalyq dárejesine ǵylymı dáreje mártebesi berildi. Osy eki jylda JOO-lar jalpy sany shamamen 450 doktorantty daıyndap shyǵardy, búgingi tańda olardyń 105-ine PhD - fılosofııa doktory ǵylymı dárejesi taǵaıyndaldy.

PhD - fılosofııa doktorlary jáne doktoranttar búgingi tańda memleket tarapynan shyǵarmashylyq, zertteýshilik jumysqa barlyq jaǵdaı jasalyp, yntalandyrylyp otyrǵanyn atap aıtady. Áıgili sheteldik ǵalymdar ótkizetin oqý sabaqtary, shetelde eńbek tájirıbesinen ótý múmkindigi - bul daýsyz PhD doktorantýrasynyń utymdy tustary.

PhD doktoranttarynyń dıssertatsııalaryna qoıylatyn talaptar, ásirese, reıtıngtik sheteldik jýrnaldarda jarııalaný turǵysynan kelgende, barynsha joǵary. Biraq bul jospardyń da oryndalýy qıyn emes. Sonymen qatar, jańa júıede bıýrokratııa az: dıssertatsııany qorǵaýǵa usyný úshin az ǵana qujat qajet, jáne bul rásimniń ózi óte aıqyn jáne ádil.

Kóptegen qazaqstandyqtar shetelde «fılosofııa doktory» dárejesin, sonyń ishinde - bıýdjet qarajaty esebinen de alatyndyǵyn atap ótken jón. QR Prezıdenti Nursultan Nazarbaevtyń pikiri boıynsha, memleket esebinen daıyndaýdy tek qana Qazaqstanda ótkizýge bolady. Bilim berý júıesi oǵan daıyn.