Eki jylda Qazaqstanda zańsyz dári aınalymynyń 700 deregi tirkelgen
«Densaýlyq saqtaý mınıstrligi dárilik zattardyń zańsyz aınalymyn baqylaý aıasynda udaıy monıtorıng júrgizip otyrady. Keıingi eki jylda ondaı zań buzýdyń 700-deı jaǵdaıy tirkeldi. Dárilik zattardy zańsyz satqany úshin 80 mln teńgeden astam aıyppul salyndy. Bıyl 2 jaǵdaı tirkelip, 2 qylmystyq is qozǵaldy», - dedi Ajar Ǵınııat.
Mınıstrdiń deregine sáıkes, atalǵan qylmystyq ister boıynsha tergeý áli júrip jatyr.
«Azamattar tarapynan zańsyz aınalymdaǵy dárini satyp alǵany týraly shaǵym bolǵan joq. Biraq, biz búkil emdelýshilerden medıtsınalyq uıymdarǵa túsetin ótinimderdi, «sary» qaǵazdardy qadaǵalap otyramyz. Zań júzinde ondaı jaıttar boıynsha dárilik zattyń sapasy men qaýipsizdigine tolyqqandy zertteý júrgiziledi», - dedi mınıstr.
Brıfıngide Ajar Ǵınııat maýsymdyq allergııasy barlarǵa nege vaktsına egýge bolatynyn túsindirdi.
«Maýsymdyq allergııalar vaktsınatsııaǵa qarsy medıtsınalyq kórsetilim bolyp eseptelmeıdi. Qarsy kórsetilim bolý úshin aýyr allergııalyq aýrý bolýy kerek. Qarapaıym eritindiniń ózine reaktsııa beretin jaıttar da bolady. Dáriger ár emdelýshini qarap, qujattaryn teksergen kezde aýyr allergııalyq aýrýy bar ma, ekpege qarsy reaktsııasy bar ma, anyqtaıdy. Maýsymdyq allergııa bolǵan jaǵdaıda emdelýshiniń densaýlyǵynda kúrdeli aýytqý bolmasa, qan taldamasy qalypty bolsa, dáriger ár jaǵdaıdy jeke qarap, vaktsınatsııaǵa jiberý týraly sheshim qabyldaıdy dep oılaımyn», - dedi vedomstvo basshysy.
Foto: i2.wp.com
