Eki jylda elimizde 324 myń sharshy metr arendalyq turǵyn úıdi paıdalanýǵa berý josparlanǵan - E.Dosaev
ASTANA. QazAqparat - 2 jylda Ulttyq qor qarajaty esebinen Qazaqstanda 324 myń sharshy metr arendalyq turǵyn úı salynady, dep málimdedi QR Úkimeti otyrysy barysynda «Báıterek» Ulttyq basqarýshy holdıngi» AQ basqarmasynyń tóraǵasy Erbolat Dosaev.
«2016 jylǵy 10 aqpanda ótken QR Úkimetiniń keńeıtilgen otyrysynda Memleket basshysynyń tapsyrmasyn oryndaý maqsatynda aǵymdaǵy jyly Ulttyq qordan arendalyq jáne nesıelik turǵyn úı salýǵa qosymsha 113 mlrd teńge bólindi. Barlyǵy atalǵan qarajat esebinen 2016-2017 jyldary 324 myń sharshy metr arendalyq turǵyn úıdi jáne 369,5 myń sharshy metr nesıelik turǵyn úıdi paıdalanýǵa berý josparlanǵan», - dedi E.Dosaev.
Holdıng basshysynyń aıtýynsha, 2016 jyldyń sońyna deıin atalǵan baǵyt boıynsha 88 mlrd teńge ıgeriledi dep kútilýde.
«2016 jyly 326 myń sharshy metr qurylys jospary kezinde búgingi tańda 371 myń sharshy metr turǵyn úı salý týraly kelisimderge qol qoıyldy, ol 6521 páterdi quraıdy. 2016 jyldyń sońyna QR Ulttyq qorynan bólingen qarajat boıynsha ıgerý boljamy 115 mlrd teńgeni nemese 100%-dy quraıdy», - dep túsindirdi ol.
