Eki jylda 648 mlrd teńge problemaly qaryzdar esepten shyǵaryldy

NUR-SULTAN. QazAqparat – Qazaqstanda eki jylda 648 mlrd teńge problemaly qaryzdar esepten shyǵaryldy. Bul týraly strestik aktıvter naryǵyn damytý máseleleri boıynsha ózgerister týraly zań jobasyn talqylaý kezinde QR Qarjy naryǵyn retteý jáne damytý agenttiginiń tóraǵasy Mádına Ábilqasymova málim etti, dep habarlaıdy QazAqparat tilshisi.

«2020 jyldan bastap bankter Agenttiktiń kelisimi boıynsha strestik aktıvterdi azaıtý jónindegi jeke josparlardy ázirlep, iske asyrap jatyr. Eki jyl ishinde 648 mlrd teńge problemaly qaryzdar esepten shyǵaryldy», - dedi M. Ábilqasymova.

Onyń paıymynsha, osyǵan baılanysty strestik aktıvterdi naryqtyq negizde odan ári azaıtý áli de ózekti.

Budan buryn habarlanǵandaı, 2016 jyldan bastap bank sektoryn qalypqa keltirý boıynsha qabyldanǵan sharalar nátıjesinde 6,7 trln teńge somasyndaǵy strestik aktıvter esepten shyǵaryldy. 2022 jylǵy 1 qańtardaǵy jaǵdaı boıynsha strestik aktıvter mólsheri 2,3 trln teńgeni nemese bank júıesi aktıvteriniń 6 paıyzyn qurady.