Eki jyl sporttan shettetilgen Ilıa Ilın qaıta tuǵyrǵa shyqty
ASTANA. QazAqparat - Dál qazir Taldyqorǵanda aýyr atletıkadan Qazaqstan chempıonaty ótip jatyr, dep habarlaıdy Sports.kz.
Atalmysh jarystarda sportshylarymyz 96-dan 102 kelige deıingi salmaq dárejesinde synǵa túsýde. Eki jyl boıy resmı jarystarǵa qatyspaǵan Ilıa Ilın osy joly alǵash ret tuǵyrǵa kóterildi. Búkil álemge tanymal aýyr atletshi julqı kóterýden úzdik nátıje kórsetip, 165, 170 jáne 172 keli zil temirlerdiń úsheýin de sátti oryndady.
Alaıda Ilınniń jańa salmaq dárejesi (102 kelige deıin) olımpıadalyq sanatqa jatpaıdy. Sol sebepten oǵan tek eki opponent- Eldar Sembaev pen Álisher Orazbek qarsy turatyn bolady.
Eske salaıyq, 2008 jáne 2012 jylǵy Olımpıada oıyndarynyń nátıjesi boıynsha dopıng paıdalandy dep aıyp taǵylǵannan keıin Ilıa Ilın eki jylǵa deıin sporttan shettetilgen edi. Bıylǵy jyldyń maýsym aıynda sportshynyń dıskvalıfıkatsııalaý merzimi aıaqtaldy.
Foto: prosports.kz
