Eki jyl halyqaralyq izdeýde júrgen qyzylordalyq elordada ustaldy

QYZYLORDA. QazAqparat – Qyzylordalyq polıtseıler halyqaralyq izdeýde júrgen kúdiktini elordada ustady, dep habarlaıdy QazAqparat tilshisi.

Qyzylorda oblysy polıtsııa departamenti krımınaldyq polıtsııa basqarmasy men Nur-Sultan qalasy polıtsııa departamentiniń qyzmetkerleri jedel izdestirý sharalaryn júrgizdi.

«Nátıjesinde 2020 jyldan beri tergeýden boı tasalap, halyqaralyq izdeýde júrgen Qyzylorda oblysynyń 31 jastaǵy turǵynyn elordada ustady. Ol QR Qylmystyq kodeksiniń 297-baby 3-bóliginiń 1,3-tarmaǵy boıynsha qylmys jasaǵan dep kúdikke ilikken. Onda esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý jaǵdaıy kórsetilgen», - dep málim etti Qyzylorda oblystyq polıtsııa departamentinen.

Vedomstvo málimetinshe, kúdiktige qatysty kúzetpen ustaý túrindegi bultartpaý sharasy tańdaldy. Ol ýaqytsha ustaý ızolıatoryna qamaqqa alyndy.

Eske salsaq, budan buryn Qyzylordada kólik júrgizý quqyǵynan aıyrylǵan júrgizýshi polıtseılerden qashpaq boldy.