Eki jyl boıy jeńilip kórmegen «Bavarııa» qorǵaýshysy Gınnestiń rekordtar kitabyna endi
ASTANA. QazAqparat - Germanııa quramasynyń sapynda óner kórsetetin shyqqan tegi ganalyq qorǵaýshy Djerom Boatengti mıýnhendik klýbtyń boıtumary deýge bolady. Ol alańǵa shyqqan matchtarda «Bavarııa» eki jyl boıy ishki birinshilikte jeńilip kórmegen.
Bul serııa 2012 jylǵy 3 qarashada bastalyp, 2014 jylǵy 19 jeltoqsanǵa deıin jalǵasty. Matchtardyń jalpy sany -56. Qorǵaýshy osyǵan oraı Gınnestiń rekordtar kitabynan arnaıy sertıfıkat aldy.
Boateng «Bavarııa» sapynda 2011 jyldan beri óner kórsetedi. Buǵan deıin ol «Gerta», «Gambýrg» jáne «Manchester Sıtı» komandalarynda oınaǵan.
Djerom Boateng 2014 jyly Germanııa quramasynyń sapynda álem chempıony atandy.
