Eki jolaýshylar avtobýsy soqtyǵysyp, 25 adam ajal qushty
ASTANA. QazAqparat - Juma kúni Mysyrdaǵy Sınaı túbeginiń ońtústiginde bolǵan jol-kólik apatynda 25 adam qaza taýyp, 50-den astamy túrli dárejedegi jaraqattar aldy.
Kelip túsken aqparat boıynsha, Sharm-esh-Sheıhten 50 shaqyrym qashyqtyqta 2 reıstik avtobýs soqtyǵysqan. Soqqynyń kúshtiliginen kóliktiń biri aýdarylyp qalǵan. Qazirgi ýaqytta qaza tapqandardyń denelerin kólikten shyǵarý jumystary júrgizilýde. Mamandardyń aıtýynsha, japa shekkenderdiń sany artýy múmkin.
Eldiń densaýlyq saqtaý mınıstrliginen habarlaǵandaı, zardap shekkenderdiń arasynda Ýkraına azamatshasy, Saýd Arabııasynyń 2 turǵyny men ıemendik bolǵan. Olar Sharm-esh-Sheıhtegi halyqaralyq gospıtalge jetkizildi. Qaza tapqandardyń arasynda sheteldik azamattardyń bolǵany ne bolmaǵany ázirge belgisiz. Oqıǵa ornyna 30 jedel járdem kóligi jiberildi, dep habarlaıdy ITAR-TASS.
