Eki jol-kólik oqıǵasynan 4 adam qaza taýyp, 7 azamat aýrýhanaǵa jetkizildi - QR TJM
ASTANA. Qańtardyń 6-sy. QazAqparat - Keshe elimizde oryn alǵan eki jol-kólik oqıǵasynyń saldarynan 4 adam qaza taýyp, 7 azamat aýrýhanaǵa jetkizildi.
Bul málimetti QR Tótenshe jaǵdaılar mınıstrliginiń baspasóz qyzmeti taratyp otyr.
Vedomstvonyń habarlaýynsha, Almaty qalasynyń Dostyq dańǵyly men Sátbaev kósheleriniń qıylysynda «Mersedes» kóligi jaıaý júrginshini qaǵyp ketken. Aýyr jaraqat alǵan azamat aýrýhanaǵa jetpeı kóz jumǵan.
Al Almaty oblysy Jambyl aýdanynyń «Almaty-Bishkek» avtojolynyń 105-shi shaqyrymynda «Folksvagen-Passat» pen «Folksvagen-Golf» kólikteriniń soqtyǵysýynan 3 adam oqıǵa ornynda mert bolyp, 7 azamat aýrýhanaǵa jetkizilgen. Qaza tapqandardyń 2-ýi 1997 jáne 1993 jyly dúnıege kelgen bozbalalar bolsa, zardap shekkenderdiń arasynda 2005, 2009 jyly týylǵan sábıler bar.
