Eki jigit aýyldasyn óltirip, aıdalada kómip tastaǵan - QR ІІM
ASTANA. 28 qarasha. QazAqparat - Batys Qazaqstan oblysynyń krımınaldyq polıtsııa qyzmetkerleri osydan eki aı buryn jasalǵan qandy qylmystyń betin ashty. Bul týraly búgingi brıfıngte QR Іshki ister mınıstrliginiń resmı ókili Nurdildá Oraz málim etti.
Onyń habarlaýynsha, qyrkúıek aıynyń sońynda iz-tússiz joǵalyp ketken 35 jastaǵy Shyńǵyrlaý kentiniń turǵynyn izdeý sharalaryna polıtsııanyń barlyq kúshteri jumyldyrylǵan bolatyn. Qylmystyq isti ashý kezinde jedel-izdestirý tobynyń qyzmetkerleri 23 pen 24-jastaǵy kent turǵyndaryn qolǵa túsirdi. «Kúdiktiler kentten úsh shaqyrym shalǵaı jerdegi ózen mańynda jábirlenýshini ólgenshe uryp-soǵyp, qylmystyń izin jasyrý maqsatymen onyń denesin aıdalaǵa aparyp, kómip tastaǵan. Máıit aýyldan 20 shaqyrym jerden tabyldy. «Qazirgi tańda qylmystyq is qozǵalyp, kúdiktiler qamaýǵa alyndy. Dáleldik bazany nyǵaıtý maqsatynda keshendi jedel-tergeý sharalary júrgizilýde», - deıdi N.Oraz.
