Eki jasóspirim 87 zıratty qıratty
OMBY. 23 qazan. QazAqparat - Omby oblysynda polıtseıler Odesskıı aýdanynda bolǵan jan shoshyrlyq oqıǵany tekserip jatyr.
16 jáne 14 jastaǵy mektep oqýshylary 87 zıratty qıratyp ketken, dep habarlady ІІM aımaqtyq basqarmasynyń baspasóz qyzmetinen.
Aýdan ortalyǵyndaǵy bolǵan keleńsiz oqıǵa jaıly habar polıtsııaǵa keshe jergilikti ýaqyt boıynsha 17:20 kezinde túsken. Shuǵyl tekserý kezinde qıraǵan eskertkishter, metall qorshaýlary, aǵash krestter tabyldy. Jalpy alǵanda 87 máıitke zııan keltirildi.
Polıtseıler zırattaǵy izder boıynsha qylmysqa aýdan ortalyǵynyń kámelettik jasqa tolmaǵan eki turǵynynyń qatysy bolýy múmkin degen boljam jasady.
16 jastaǵy jasóspirimge qatysty qylmystyq is qozǵaldy. Ekinshi kúdikti qylmystyq jaýapkershilikke tartylý jasyna tolmaǵan.
