Eki jasar ógeı balasyn uryp óltirgen almatylyq sottaldy
ALMATY. QazAqparat –Eki jasar ógeı balasyn óltirgen 34 jastaǵy er adamǵa sot úkimi shyqty, dep habarlaıdy QazAqparat tilshisi
«Almaty qalasynyń qylmystyq ister jónindegi mamandandyrylǵan aýdanaralyq soty 1985 jyly týǵan azamatqa qatysty úkim shyǵardy. Ol QR Qylmystyq kodekstiń 99-baby 2-bóliginiń 3-tarmaǵyna sáıkes kináli dep tanylyp, 18 jylǵa sottaldy»,- dedi atalǵan sottyń baspasóz qyzmeti.
Sottalýshy Jeńis Qurmanǵazın jazasyn qaýipsiz kolonııasynda óteıdi. Sot úkimi zańdy kúshine engen joq. Ol 15 kún ishinde qaıta shaǵym túsire alady.
Eske salsaq, Almatyda 2 jasar balany soqqyǵa jyqqan er adam ustaldy. Oqıǵa 23 qyrkúıek kúni bolǵan. «Medıtsına qyzmetkerleri 2 jasar ul balanyń es-tússiz jatqanyn aıtty. Balanyń mıynda qan uıyǵan, kóp jaraqat alǵan, ishi soǵylǵan, aıaq-qoldary urylǵan. Bala komaǵa túsip qalǵan. Keıin taıaq jegen bala esin jımastan aýrýhanada qaıtys boldy.