Eki jasar ógeı balasyn uryp óltirgen almatylyq 20 jylǵa sottalýy múmkin
ALMATY. QazAqparat - Eki jasar ógeı balasyn uryp óltirdi degen kúdiktige qatysty is aıaqtaldy, dep habarlaıdy QazAqparat.
«1985 jyly týǵan azamatqa qatysty is aıaqtaldy. Kúdikti QR Qylmystyq kodekstiń 99-baby 2-bóliginiń 3-tarmaǵyna sáıkes aıyptalýda jáne is Almaty qalasyndaǵy qylmystyq ister boıynsha mamandandyrylǵan aýdanaralyq sotqa joldandy. Atalǵan bap talaptary kúdiktini 15 jyldan 20 jylǵa deıin bas bostandyǵynan aıyrýdy kózdeıdi», - dedi qalalyq prokýatýranyń baspasóz qyzmeti.
Eske salsaq, Almatyda 2 jasar balany soqqyǵa jyqqan er adam ustaldy. Oqıǵa 23 qyrkúıek kúni bolǵan. «Medıtsına qyzmetkerleri 2 jasar ul balanyń es-tússiz jatqanyn aıtty. Balanyń mıynda qan uıyǵan, kóp jaraqat alǵan, ishi soǵylǵan, aıaq-qoldary urylǵan. Bala komaǵa túsip qalǵan. Keıin taıaq jegen bala esin jımastan aýrýhanada qaıtys boldy.
