Eki jasar qyzyn óltirgen Temirtaý turǵyny 20 jylǵa sottaldy
QARAǴANDY. QazAqparat - Eki jasar búldirshinniń ólimine qatysty atyshýly istiń úkimi shyqty - Temirtaý turǵyny 20 jylǵa bas bostandyǵynan aıyryldy, dep habarlaıdy «QazAqparat» HAA tilshisi.
Qaraǵandy oblystyq qylmystyq ister boıynsha mamandandyrylǵan aýdanaralyq sotynyń sýdıasy Islamhan Esenbaev sottalýshyny QR QK 99-baby «adam óltirý» boıynsha kináli dep tanydy.
«Sottalýshy 20 jylǵa bas bostandyǵynan aıyrylyp, qaýipsizdigi joǵary qylmystyq-atqarý júıesi mekemesinde jazasyn óteý úkimi shyǵaryldy», - dep habarlady Qaraǵandy oblystyq qylmystyq ister boıynsha mamandandyrylǵan aýdanaralyq soty.
Sottalýshy alǵashqy bes jylyn tolyq qaýipsizdik mekemesinde jazasyn óteıdi. Budan bólek, bala óltirýshige maskúnemdikten májbúrli emdeý sharasy taǵaıyndaldy.
Jumyssyz temirtaýlyq óziniń qyzyn tyńdamaǵany jáne elemegeni úshin ashýlanyp, qylmys jasaǵan. Ol mas kúıinde qyzyn soqqyǵa alǵan. Keıin aıaǵymen moınynan basqan. Búldirshin aýa jetpegendikten qaza tapqan.
