Eki jasar qyzdy qaǵyp ketken polıtsııa qyzmetkerine qatysty qylmystyq is qozǵaldy
ORAL. QazAqparat - Oralda eki jasar qyzdy avtokóligimen qaǵyp ketken polıtsııa qyzmetkerine qatysty qylmystyq is qozǵaldy, dep habarlaıdy «QazAqparat» tilshisi.
BQO ІІD jergilikti polıtsııa qyzmetiniń basshysy, polıtsııa polkovnıgi Manarbek Ǵabdýllınniń aıtýynsha, 23 maýsym kúni keshkisin Zachagan kentindegi Murat Móńkeuly atyndaǵy kóshe 108/2-úıiniń aýlasynda oınap júrgen qyzdy kórshi, eńbek demalysynda júrgen ýchaskelik polıtsııa ınspektorynyń kómekshisi óziniń «Nissan Primera» jeke kóligimen abaısyzda qaǵyp ketken.
Qazirgi kezde polıtsııa qyzmetkerine qatysty QR QK 345-baby 3-bóligine sáıkes (abaısyzda kisi ólimine soqtyrǵan jol-kólik oqıǵasyn jasaý) qylmystyq is qozǵalyp, tergeý amaldary júrgizilýde. Atalmysh kólik arnaıy turaqqa qoıylyp, saraptama taǵaıyndaldy. Іsti oblystyq ishki ister departamenti júrgizýde.
Eske sala keteıik, kólik qaqqan qyz bala sonyń saldarynan kóz jumyp, ótken jeksenbi kúni jerlengen bolatyn.
