Eki jasar balanyń ótirik aıtý qabileti onyń tabysty keleshegin bildiredi, deıdi ǵalymdar
ASTANA. Mamyrdyń 17-si. QazAqparat - Bala erterek ótirik aıta bastasa, onyń bolashaǵy sonshalyqty tabysty bolýy múmkin. Kanadalyq ǵalymdar osyndaı qorytyndyǵa kelip otyr, dep habarlaıdy «Eho Moskvy» radıosy.
Ǵalymdardyń pikirinshe, balanyń eki jasta ótirik aıta bilý qabileti onyń mıynyń tez damýynyń belgisi bolyp tabylady. Bul degenimiz, mundaı balalardan isi ońynan basatyn eresekter ósedi degen sóz, deıdi ǵalymdar. «Ondaı balalar, keleshekte bankır bolýy yqtımal», dep málim etti Toronto ýnıversıtetiniń doktory Keng Lı.
Ǵalymdar júrgizgen zertteýge 2 jas pen 16 jastyń aralyǵyndaǵy 1 200 bala qatysqan.
