Eki jasar bala tereńdigi 100 metrden asatyn tereń uńǵymaǵa qulap ketti
ASTANA. QazAqparat - Ispanııanyń ońtústiginde qutqarýshylar tereńdigi 100 metrden asatyn jáne eni 25 santımetr bolatyn uńǵymaǵa qulap ketken eki jasar balany taba almaı jatyr, dep habarlaıdy VVS.
Onyń tiri ne óli ekenin eshkim bilmeıdi. Ázirge qutqarýshylar qudyqqa túsirilgen kamera arqyly onyń kámpıtter salynǵan paketi men plastmassa staqanyn tapty.
Qaıǵyly oqıǵa jeksenbi kúni Malagadan soltústik-shyǵysqa qaraı ornalasqan Totalan aýylynyń mańynda bolǵan. Ákesi polıtsııaǵa jergilikti ýaqytpen 14:00-de balasynyń qudyqqa qulap ketkenin habarlaǵan.
Qutqarý operatsııasy júrip jatyr.
