Eki-úsh ese qymbat baǵa usynǵan taksıst ustaldy
KÓKShETAÝ. QazAqparat - Aqmola oblysynda karantın kezinde jolaýshylar tasymalymen zańsyz aınalysqan eki taksı júrgizýshisi ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, tótenshe jaǵdaı kezindegi karantın rejımin buzǵan taksı júrgizýshileri tapsyrysty «Indriver» qosymshasy arqyly qabyldap otyrǵan.
«Ustalǵan júrgizýshiler belgili bir sommaǵa adamdardy Kókshetaýdan Shýchınsk qalasy jáne Shortandy kentine deıin aparyp, alyp kelmek bolǵan. Olar osy qyzmetin 30 myń teńgege baǵalaǵan. Sonymen qatar, jolaýshylardyń blokpostan ótýge ruqsat qujattary bolmaǵan. 2020 jylǵy sáýirdiń 14-de Aqmola oblystyq PD Krımınaldy polıtsııa basqarmasynyń qyzmetkerleri eki taksı júrgizýshisin ustady. Olardyń ekeýi de QR ÁQbK 476 baby «tótenshe jaǵdaı rejımin buzý» boıynsha ákimshilik jaýapqa tartyldy», - deıdi vedomstvodan.
Aıta keteıik, osyǵan deıin habarlaǵanymyzdaı, veterınarlyq preparattardy jetkizýshi blokposttardan zańsyz adam ótkizbek bolǵan edi.
