«Eki ulyma jala jabyldy» - Bostonda jarylys uıymdastyrdy degen kúdiktilerdiń anasy
ASTANA. 21 sáýir. QazAqparat - Federaldy tergeý bıýrosy 5 jyl boıy Temirlan Tsarnaevty syrtynan baqylap kelgen.
Bul týraly onyń anasy Zýbeıdat Tsarnaeva telefon arqyly bolǵan suhbatynda aıtty, dep habarlaıdy 24.kz.
Áıeldiń sózine qaraǵanda, onyń uldary tergeý bıýrosynyń kaharyna ilikti. Arnaıy qyzmet mamandary Temirlandy ekstremıstik toptyń kóshbasshysy sanap, onyń árbir qadamyn baqylaýǵa alǵan. Zýbeıdat ulyn jaqtaı kele, Temirlannyń ıslam dinin ustanyp, dinaralyq saıasatqa aralasqanyn aıtady. Esterińizde bolsa, Temirlan men onyń inisi Djoharǵa «Bostonda jarylys uıymdastyrdy» degen aıyp taǵyldy. 26 jastaǵy Temirlan quqyq qorǵaýshylarmen arada bolǵan atys barysynda qaza tapty. Іnisi qazir aýyr halde aýrýhanada jatyr.
«Federaldy tergeý bıýrosynyń qyzmetkerleri balamnyń ár qadamyn baqylaýǵa aldy. Sonda olar jarylysty qalaı jiberip qoıǵan. Bul ótirik sóz! Meniń eki ulyma jala jabyldy. Olar kináli emes», deıdi kúdiktilerdiń anasy Zýbeıdat Tsarnaeva.
