Eki shymkenttik jalǵan shot-faktýra arqyly memleketke 700 mln teńge salyq tólemegen

ShYMKENT. QazAqparat - QMA Shymkent qalasy boıynsha departamentiniń qyzmetkerleri naqty jumysty oryndamaı, qyzmet kórsetpeı, taýar jóneltpeı, jalǵan shot-faktýra jazyp berýmen aınalysqan 2 azamattyń áreketin áshkereledi, dep habarlaıdy QazAqparat.

Olar 2021 jyldyń sáýirinen 2022 jyldyń tamyzyna deıingi aralyqta jalpy aınalymy 2,1 mlrd teńgeden asqan 6 kompanııa qurdy, sonyń saldarynan memlekettik bıýdjetke salyq túrinde 700 mln teńgege jýyq qarjy túspeı qaldy.

Sot úkimimen atalǵan tulǵalar qylmystyq quqyq buzýshylyq jasaǵany úshin kináli dep tanylyp, 3,5 jyl merzimge bas bostandyǵynan aıyryldy.