Eki sheteldik jýrnalıst Ózbekstannyń «Oltın kalam» ulttyq júldesine ıe boldy
TAShKENT. 5 mamyr. QazAqparat - Ózbekstan astanasynda jýrnalıstıka salasyndaǵy «Oltın kalam» Ulttyq syılyǵy VII halyqaralyq baıqaýynyń jeńimpazdary men laýreattary jarııalandy.
Aǵymdaǵy jyly baıqaýǵa ózderiniń shamamen 8,3 myń shyǵarmashylyq jumystaryn usynǵan 470 jýrnalıst qatysty. Syılyq qory 189 mıllıon sýmǵa jýyq (1 AQSh dollary - 1859 sým) boldy, bul ótken jylmen salystyrǵanda 40 mıllıon sýmǵa kóp.
Baıqaý qorytyndylary boıynsha teledıdar, radıo, baspasóz BAQ jáne ǵalamtor-jýrnalıstıkadaǵy úzdik materıaldar úshin negizgi jáne kótermeleý syılyqtary tapsyryldy. Budan basqa, Birikken Ulttar uıymynyń damytý baǵdarlamasy, Búkilálemdik bank, ıÝNESKO, «Aımaqtyq dıalog» sııaqty birqatar halyqaralyq ókildikter tilshilerdi sondaı-aq arnaıy syılyqtarmen marapattady.
Sheteldik jýrnalıster arasynda Qytaıdaǵy «Tszıntszı Jıbao» gazetiniń Tashkenttegi tilshilik qosynynyń meńgerýshisi Lı Chýıfa úzdik dep tanyldy. Budan basqa, «Anadolý» aqparattyq agenttiginiń menshikti tilshisi Bahtıer Abdýkarımov sheteldik BAQ-da jarııalanǵan Ózbekstan týraly materıaldary úshin ekinshi orynǵa laıyq dep tanyldy.
