Eki ret kólik astyna túsken áıeldiń jaǵdaıy jaıly dárigerler aıtyp berdi
ALMATY. QazAqparat - Almatyda eki ret kólik astyna túsken áıeldiń jaǵdaıy jaıly dárigerler aıtyp berdi, dep habarlaıdy QazAqparat tilshisi.
Qalalyq Densaýlyq saqtaý basqarmasy baspasóz qyzmetiniń habarlaýynsha, 39 jastaǵy kelinshek №7 qalalyq aýrýhanada jatyr.
«Kólik apaty saldarynan áıel ashyq bas mı jaraqaty, bastaǵy jumsaq tinderdiń syzaty, sol jaq ıyǵy býynynyń, oń jaq tabanynyń jumsaq tinderi jaralanǵan, jabyq kókirek jaraqatymen aýrýhanaǵa túsken. Kelgen kezde kelinshekte 1 dárejeli shok baıqalǵan», - dedi baspasóz qyzmetinen.
Qazigi tańda áıel jansaqtaý bóliminen polıtjaraqat bólimine aýystyryldy.
Aıta ketý kerek, jol apaty 24 maýsymda bolǵan.
Opel Vektra kóligi kósheniń shetinde turǵan áıeldi qaǵyp ketken. Soqqydan 5 metr jerge ushyp ketken áıeldi toqtaı almaǵan kelesi kólik basyp ótken.
«Atalǵan derekke baılanysty sot-medıtsınalyq saraptama taǵaıyndaldy. Japa shekken adamǵa keltirilgen jaraqat deńgeıine qaraı protsessýaldyq sheshim qabyldanady», - dedi qalalyq ІІD basqarma basshysy Rýstam Abdrahmanov.
