Eki ret kisi óltirgen Shymkent turǵyny 21 jylǵa sottaldy
ASTANA. QazAqparat - Ońtústik Qazaqstan oblysynyń qylmystyq is boıynsha mamandandyrylǵan aýdanaralyq sotynda bıylǵy jyldyń eń aýyr úkimderiniń biri jarııalandy, dep habarlaıdy otyrar.kz.
Sot isindegi materıalda kórsetilgendeı, bıylǵy jyldyń shilde aıynda Ivan Kalnov óz saıajaıynda quqyq qorǵaý organdary izdestirip jatqan sybaılasymen birge bolmashy nárse úshin eki qonaqpen sózge kelip qalady. Sońynda olardy pyshaqtap óltiredi.
Sondaı-aq, Kalnov bıylǵy jyldyń naýryz aıynda shartty túrde merziminen buryn bosatylǵan. Buǵan deıin ol adam óltirgeni úshin 12 jylǵa bas bostandyǵynan aıyrylǵan edi. OQO qylmystyq is boıynsha mamandandyrylǵan aýdanaralyq soty Dáýren Madalıev kúdiktini aıypty dep tanyp, múlkin tárkilep, 21 jyl bas bostandyǵynan aıyrý jazasyn taǵaıyndady. Sonymen qatar, sýdıa onyń is-áreketterinde qaıtalanǵan qylmys bar dep tanyp, onyń jazasyn qatań rejımdegi kolonııada óteýdi belgiledi.
