Eki ret ádeıi ot qoıyp, ony aýyzdyqtaǵan órt sóndirýshiniń qylmysy áshkerelendi
ASTANA. QazAqparat - Órt shyǵaryp, keıin ony aýyzdyqtaýǵa áriptesterine kómektesip júrgeni úshin shotlandııalyq órt sóndirýshi 2 jylǵa bostandyǵynan aıyryldy.
Bul týraly The Herald gazeti jazdy.
Eriktiler órt sóndirýshiler komandasy komandıriniń orynbasary Devıd Makkeı eki márte ot qoıdy dep aıyptaldy. alǵashqysy 2013 jyly naýryzda oryn alyp, 42 myń fýnt (52,8 myń eýro) zalal keltirgen. Birneshe kúnnen keıin ol Strontıan mańyndaǵy jas kóshetterdi órtegen. Jalyn 2 táýlikten keıin ǵana aýyzdyqtaldy.
Eki jaǵdaıda da bul azamat óz áriptesterimen birge otty óshirip, bul kúnderi memlekettik mereke toılanǵandyqtan eki eselengen bir kúndik jalaqy alǵan.
Kýágerler ony sý jetkizetin aq kólik arqyly tanyǵan. Bul jerde ol jarty aılyq jalaqyǵa jumys istegen. Birneshe adam bul mashınany ot shyqqan jerlerdiń mańynda kórgen. Kólikte ornatylǵan GPS-navıgator arqyly qylmyskerdiń kinási dáleldendi.
