Eki polıtseıdiń ólimi boıynsha kúdiktiniń isi sotqa joldandy - Aqmola oblysy
KÓKShETAÝ. QazAqparat - Aqmola oblysynda eki polıtsııa qyzmetkeriniń ólimine qatysty is sotqa joldandy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Vedomstvonyń málimetinshe, eki polıtsııa qyzmetkeriniń ólimine kináli Sergeı Vorontsovqa qatysty qylmystyq is Aqmola oblysynyń Býrabaı aýdandyq sotynda qaralady. Ol QR QK 200-baptyń 3-bóligi (iri zalal keltirgen, avtomobıldi urlaý maqsatynsyz zańsyz ıelený (aıdap áketý)), 346-baptyń 2, 3, 6-bólikteri (kólik quralyn basqarý quqyǵynan aıyrylǵan jáne alkogoldik masań kúıdegi adamnyń kólik quralyn basqarýy, abaısyzda adam densaýlyǵyna jeńil zııan keltirýge, adam densaýlyǵyna ortasha aýyrlyqtaǵy zııan keltirý jáne eki adamnyń ólimine ákep soǵý) boıynsha aıyptalyp otyr.
Aıyptaý qorytyndysyna sáıkes, buryn ákimshilik, qylmystyq jaýapkershilikke tartylǵan jáne kólik quraldaryn basqarý quqyǵynan aıyrylǵan Şýchınsk qalasynyń turǵyny Sergeı Vorontsov birqatar aýyr qylmystyq quqyq buzýshylyqtar jasady. Atap aıtqanda, 2020 jyldyń qazan aıynda S.Vorontsov anasynyń kóligin aıdap áketken, sodan keıin osy avtokólikpen Şýchınsk qalasynda mas kúıinde, tyıym salatyn sıgnalǵa qaramastan qatty jyldamdyqpen júıtkigen boıy baǵdarshamnyń baǵanyn soqqan.
Vorontsovtyń kinásinen oryn alǵan jol-kólik oqıǵasynyń saldarynan sol jerde eki adam kóz jumdy, taǵy eki adam túrli dárejede jaraqat alyp, aýrýhanaǵa jetkizildi. Al, avtokólikterge aıtarlyqtaı zaqym kelip, jaramsyz bolyp qaldy.
«Osy qylmystyq is boıynsha sot otyrysy 2021 jylǵy 25 qańtarda Býrabaı aýdandyq sotynda saǵat 15.00-ge taǵaıyndaldy», - dedi vedomstvodan.
