Eki óńirde 35 gradýsqa deıin aıaz bolady - Qazgıdromet

ASTANA. QazAqprat – Qazgıdromet aldaǵy kúnderdegi aýa raıyna boljam jasady, dep habarlaıdy QazAqparat.

Qazaqstannyń basym bóligi aldaǵy úsh táýlikte joǵary qysym alqabynyń yqpalynda bolady. Osyǵan baılanysty ashyq, aıazdy, negizinen jaýyn-shashynsyz aýa raıy kútiledi. Atmosferalyq fronttardyń áserinen tek elimizdiń ońtústiginde, ońtústik-shyǵysynda qar, tuman, ońtústiginde kóktaıǵaq kútiledi.

Temperatýralyq fonda kúrt ózgerister kútilmeıdi.

6 jeltoqsanda túnde Qaraǵandy, 7-8 jeltoqsanda Shyǵys Qazaqstan oblystarynda 35 gradýs aıazǵa deıin bolady dep boljanýda.