Eki oblystyń aýmaǵyndaǵy joldarda kólik qozǵalysy shekteldi
ASTANA. QazAqparat - Boranǵa baılanysty elimizdiń eki oblysy aýmaǵyndaǵy respýblıkalyq joldar jabyq, dep habarlaıdy QazAqparat.
«Qazaqavtojol» málimetine qaraǵanda, qazirgi ýaqytta «Úsharal-Dostyq» jolynyń 83-184 sharymyndaǵy Kóktýma men Dostyq aralyǵynda kóliktiń barlyq túrleri úshin qozǵalysqa shekteý qoıyldy.
Budan bólek, «Almaty-Óskemen» avtojolynyń 558-615 shaqyrymyndaǵy Úsharal men Shyǵys Qazaqstan oblysy shekarasyna deıin jol jabyq.
Sonymen qatar, ShQO aýmaǵyndaǵy boran saldarynan «Almaty-Óskemen» jolynyń 615-768 shaqyrymyndaǵy Almaty oblysy shekarasy men Aıagóz aralyǵynda da kólikterdiń jolǵa shyǵýyna tyıym salyndy.
Qazirgi kezde «Taskesken-Baqty» jolynyń 0-187 shaqyrymyndaǵy Taskeskennen QHR shekarasyna deıingi aralyqta jol jabyq tur.
