Eki oblystan 150 qazaqstandyq Shekara qyzmetiniń áskerı jıyndaryna shaqyrylady

ASTANA. QazAqparat – Áskerı jıyndardan ótý úshin 150 qazaqstandyq Almaty men Túrkistan oblystaryndaǵy UQK Shekara qyzmetiniń departamentterine shaqyrylady. Bul týraly «Ashyq» NQA portalynda QR Ulttyq qaýipsizdik komıteti tóraǵasynyń buıyryǵynda kórsetilgen, dep habarlaıdy QazAqparat tilshisi.

«2023 jyly QR Ulttyq qaýipsizdik komıteti Shekara qyzmetiniń Almaty jáne Túrkistan oblystary boıynsha departamentterinde áskerı jıyndardan ótý úshin 150 áskerı mindetti kúntizbelik 30 kún merzimge shaqyrylsyn», - delingen komıtet tóraǵasy Ermek Saǵymbaevtyń buıryǵynda.

Túsindirmede jazylǵandaı, ár departamentke 75 zapastaǵy áskerı mindetti shaqyralady.

«Bul 30 táýlik ishinde UQK Shekara qyzmetiniń Almaty men Túrkistan oblystary departamentteriniń bazasynda (ár departamentte 75 adamnan) zapastaǵy áskerı mindettilerdi (150 adam) áskerı bilimge jáne mashyqqa úıretý úshin áskerı jıyndar ótkizýge baǵyttalǵan. Jobanyń materıaldyq jáne qarjylyq qamtamasyz etilýin bólingen bıýdjettik qarajat sheginde júrgizý josparlanýda», - dep túsindirme berilgen buıryqqa.

Qujat 13 sáýirge deıin kópshilik talqylaýda bolady.