Eki oblysta jáne elordada sýburqaqtarda shomylý zııandy ekeni anyqtaldy
NUR-SULTAN. QazAqparat - Qazaqstanda sýburqaqtardyń vırýsologııalyq, bakterıologııalyq, sanıtarııalyq-hımııalyq kórsetkishterin anyqtaý úshin zertteý jasaldy. Qostanaı jáne Shyǵys Qazaqstan oblystarynda, sondaı-aq Nur-Sultan qalasynda ruqsat etilgen mánderden aýytqý bary anyqtaldy, dep habarlaıdy Sanıtarııalyq-epıdemıologııalyq baqylaý komıteti.
Búgingi tańda elimizde 643 sýburqaq jumys isteıdi, onyń 318-i (49,4%) zerthanalyq baqylaýmen qamtylǵan. Aǵymdaǵy jylǵy ótken kezeńde vırýsologııalyq kórsetkishterge 197 sý synamasy, bakterıologııalyq kórsetkishterge 76 sý synamasy jáne sanıtarııalyq-hımııalyq kórsetkishterge 47 sý synamasy alyndy. Sáıkes kelmeıtin synamalardyń negizgi kólemi (9,1%) vırýsologııalyq kórsetkishter boıynsha anyqtalǵan.
Zertteý nátıjeleri boıynsha ruqsat etilgen mánderden aýytqýlar Qostanaı jáne Shyǵys Qazaqstan oblystarynda, sondaı-aq Nur-Sultan qalasynda anyqtaldy. Qalǵan óńirlerde zertteletin sý synamalarynyń nátıjeleri normalanatyn kórsetkishter sheginde.
Jyl saıyn, jazǵy kezeńde mamyrdan qyrkúıekke deıingi aılarda, vırýstyq sanıtarııalyq-hımııalyq jáne bakterıologııalyq kórsetkishterge sý synamalaryn ala otyryp, sýburqaq keshenderiniń sý sapasyna monıtorıng júrgiziledi.
Sý monıtorınginiń nátıjeleri boıynsha sharalar qabyldaý úshin jergilikti atqarýshy organdarǵa, aýmaqtyq polıtsııa departamentterine, sondaı-aq burqaqtarǵa qyzmet kórsetetin uıymdarǵa usynymhattar joldandy.
Jazda balalardyń súıikti oıyn-saýyqtarynyń biri – sýburqaqtarda shomylý. Fontandy shomylýǵa arnalǵan oryn retinde eresekter de paıdalanatyn kezder bolady. Mundaı zııansyz ermek óte qaýipti. Másele mynada, qalalyq sýburqaqtardaǵy sý shomylýǵa arnalmaǵan. Onyń quramyna densaýlyqqa aıtarlyqtaı zııan keltiretin túrli hımııalyq zattar qosylady. Ár túrli ınfektsııalardy juqtyrý qaýpi bar. Keıinnen adam ony tek juqtyryp qana qoımaı, aýrýdy taratýy múmkin.
Fontanda shomylý jiti ishek ınfektsııasyna, respıratorlyq ınfektsııaǵa ákelýi múmkin, al negizgi qaýip – enterovırýstyq, rotavırýstyq ınfektsııalar, sondaı-aq A vırýstyq gepatıti.
