Eki oblysta kólik qozǵalysy shekteldi
ASTANA. QazAqparat - Burqasyn saldarynan Shyǵys Qazaqstan jáne Almaty oblystarynda avtokólik qozǵalysy shekteldi, dep habarlaıdy QazAqparat «Kazahavtodor» RMK baspasóz qyzmetine silteme jasap.
Vedomstvonyń aqparatyna súıensek, Shyǵys Qazaqstan oblysynda saǵat 18:15-te aýa raıynyń qolaısyzdyǵyna baılanysty (burqasyn, kórý múmkindiginiń shektelýi) «Almaty-Óskemen» tas jolynyń Aıagóz qalasynan Qalbataý aýylyna deıingi bóligi (778-863 shaqyrym aralyǵy) júk jáne qoǵamdyq kólikter úshin jabyldy.
Almaty oblysynda aýa raıynyń qolaısyzdyǵyna baılanysty (qar, burqasyn, kórý múmkindiginiń shektelýi) saǵat 18:30-da «Saryózek-Kóktal» tas jolynyń Qoǵaly aýylynan Basshy aýylyna deıingi aralyǵy (40-80 shaqyrym) júk kólikteri úshin; saǵat 19:00-de «Almaty-Óskemen» kúre jolynyń Taldyqorǵan qalasynan Úsharal qalasyna deıingi bóligi (287-558 shaqyrym) júk jáne qoǵamdyq kólikter úshin jabyldy.
