Eki nokdaýn men nokaýt: Sadrıddın Ahmedov 90 sekýndta jeńiske jetti

NUR-SULTAN. QazAqparat - Qazaqstandyq boksshy Sadrıddın Ahmedov (8-0, 7 KO) kásibı mansabynda toǵyzynshy jekpe-jegin ótkizdi, dep habarlaıdy Sports.kz.

Ol Tetfor Mındegi (Kanada) boks keshi aıasynda óner kórsetti. 21 jastaǵy qazaqstandyq nokaýtshy rıngte meksıkalyq Danıel Vega Kotamen (14-3-1, 11 KO) kezdesip, ony tehnıkalyq nokaýtpen 90 sekýndta jeńdi. Onyń aldynda qarsylasyn eki ret nokdaýnǵa túsirdi.

Bul Ahmedovtiń kásipqoı rıngtegi toǵyzynshy jeńisi, sonyń ishinde segizin merziminen buryn aıaqtaǵan. Al Kota mansabynda tórtinshi ret jeńildi.

Eske salaıyq, Sadrıddın Ahmedov áýesqoı boksta jastar arasyndaǵy Álem chempıony ataǵyn jeńip alǵan. Kásipqoı boksta eki tıtýl - birinshi orta salmaqtaǵy WBC «jastar» belbeýin jáne osy dıvızıonda WBC Asia belbeýin ıelendi.