Eki naýqaspen baılanysta bolǵan adamdardy anyqtaý qıyn boldy – Almatynyń bas dárigeri
ALMATY. QazAqparat – Almatyda koronavırýs juqtyrǵandardyń deni - syrttan kelgender jáne solarmen baılanysta bolǵandar bolyp shyqty, dep habarlaıdy QazAqparat tilshisi.
«Negizi COVID-2019 negizinen syrttan kelgender men solarmen baılanystan bolǵandardan tabylyp jatyr. Eki qala turǵyny bul azamattarmen baılanysqa túspese de, vırýs juqtyrǵan. Ony anyqtaý qıyn boldy. Qazir ekeýi de statsıonarda em qabyldap jatyr», - dedi onlaın brıfıng kezinde qalalyq qoǵamdyq densaýlyq saqtaý basqarmasynyń basshysy Tileýhan Ábildaev.
Onyń aıtýynsha, naýqas adamdarmen baılanysta bolǵan tanystarynyń barlyǵy qazir anyqtalyp, oqshaýlanǵan. Jaqyn baılanysta bolǵandar provızorlyq jáne karantındik statsıonarlyq emhanada jatyr.
«Qaladaǵy karantın jaǵdaıynda aýrýdyń aldyn alýdyń birden bir joly – úıden shyqpaý», - dedi ol.
