Eki myńnan astam polıtsııa men áskerı qyzmetshiler Astana tynyshtyǵyn kúzetýde
ASTANA. QazAqparat - Jańa jyl merekesinde QR ІІM Ulttyq gvardııasynyń 2000 polıtsııa jáne áskerı qyzmetshisi táýlik boıy qoǵamdyq tártipti kúzetýde, dep habaralıdy QazAqparat qalalyq ІІD baspasóz qyzmetine silteme jasap.
«Jańa jyl merekesin toılaý kezinde Astana qalasy Іshki ister departamentiniń jeke quramy kúsheıtilgen jumys rejımine kóshti, qala kósheleri men qoǵamdyq oryndaryndaǵy jasaq quramy artty. Oǵan Astananyń ІІD jeke juramy tolyǵymen shyǵaryldy jáne QR Ulttyq gvardııasynyń áskerı qyzmetshileri tartylǵan. Táýlik boıy QR ІІM Ulttyq gvardııasynyń 2000 polıtsııa jáne áskerı qyzmetshisi qoǵamdyq tártipti kúzetýde», - delingen ІІD baspasóz qyzmetiniń habarlamasynda.
Baspasóz qyzmetiniń habarlaýynsha, ótken táýlikte qylmystyq sıpattaǵy 50-den astam quqyqbuzýshylyq tirkelgen, negizinen kóńil kóterý oryndarynda mobıldi qurylǵylar men jeke zattar urlanǵan. Onyń ishinde 12 is izi sýymaı ashyldy. Qala turǵyndary men qonaqtarynyń jappaı qydyrý oryndaryndaǵy jiti baqylaýdyń arqasynda óreskel quqyqbuzýshylyqtarǵa jol berilmedi.
Sondaı-aq, ótken túni elordada 23 jol-kólik oqıǵasy tirkeldi, saldarynan eki adam túrli dene jaraqatyn alyp, medıtsınalyq mekemege jatqyzyldy. Qaza tapqandar joq.
